شريف حلمي
لازم إدارة مانشستر يونايتد تفهم إن في حكم التاريخ جوارديولا و كلوب مرحلة و هتعدي .....ماينفعش تفكر تنافس الاثنين دول حالياً ....هما ببساطة الافضل و صعب حد يعديهم .
بس دا مش معناه انهم حيفضلوا للأبد .....الحقيقة الوحيدة هي إن الإثنين دول هيمشوا في وقت ما .... و لازم مانشستر يونايتد يبني النادي مش للمنافسة .....لكن إنه يلعب كرة قدم مظبوطة و ممتعة .....كرة الجماهير تؤمن بيها و تلتف حواليها .....و هيجي إليوم اللي فرصة النادي هترجع ثاني إنه ينطلق و ينافس ......
فعلاً وجود تين هاج و رانجنيك لو تم استغلاله صح ممكن يعمل ثورة كبيرة في النادي من الناحية الكروية .....بس هايفضل وجود الملاك بالمنظر دا عائق كبير ..... أتمني يدوا المساحة الكافية للعقول الكروية الأوروبية دي انها تنقل علمها بكل أمانة بصوت هشام سليم في فيلم الناظر لمانشستر يونايتد اللي كرويا لسه واقف في مرحلة أليكس فيرجسون .....
و كان قدامه فرصة كبيرة وقت فان جال في تصوري إنه يعمل الشيفت دا للكرة الكونتننتال الأوروبية و الـ٤ -٣ -٣ و المثلثات و الضغط العالي و دفاع المساحات مش دفاع الافراد
مهم جدا يمكن أهم من شراء اللعيبة هو التخلص من لعيبة العصر البائد ....جونز و لينجارد و راشفورد و بيساكا و فريد الديب و ماتا عشان كبر مش أكثر و طبعاً العلق الاكبر بول بوجبا و لندلوف .... و هاري ماجواير "محمود محمود" الكرة الإنجليزية و أسوا من أنجبت بريطانيا بعد اللورد كرومر 😅
0 تعليقات
في انتظار تعليقاتكم