قصة غريب وراء ارتداء لاعبي سويسرا للنظارات السوداء

مينفعش خروج سويسرا ينسي الناس البطولة العظيمة اللي قدموها خاصة ماتشين الإقصائيات، وخصوصًا الحارس اللي قدم أداء استثنائي يان سومر، أداء وراه حكاية كالعادة بتكشف إن التميز = شغل ومجهود وأفكار مبتكرة.

 

في تدريبات سويسرا، رصدت الكاميرات اللعيبة بيتدربوا بنظارات شمس شكلها غريب نوعًا ما وخاصة الحارس ونجم الليلة يان سومر.. إيه الحكاية بقا؟

 

إيه السر في ارتداء النظارات؟ صحيفة آس الإسبانية وضحت إن الغرض مش الحماية من أشعة الشمس أثناء التدريب، وإنما تملك النظارة متفردة، بتساعد على الاستعداد والتدريب بشكل أفضل، وبشكل غريب شوية.

 

النظارة تعمل بالبطارية، وبتخلق تأثير بطيء لحركة الكرة مقارنة بالواقع، ودا بهدف مساعدة الحراس على تحسين توقعاتهم، وزيادة صعوبة التصدي للكرات أثناء التدريب.

 

بمعنى؟ بمعنى إن الحارس بالنظارة بيشوف الكورة أبطأ مما هي عليه، فبيكون محتاج يتوقع مسار الكورة بناء على مكانها والتعامل معاها برد فعل أسرع من اللي هو شايفه أساسًا، ودا بيساعده على تحسين قدرته على التوقع وسرعة ردود الأفعال بشكل عام.

 

تكلفة النظارة المبتكرة، حوالي 350 جنيه إسترليني، حوالي 486 دولار أمريكي.

 

السر دائمًا في التفاصيل، والتفاصيل دايمًا مش هتكون إلا ناتج شغل ومجهود وأفكار مبتكرة.